jueves, 14 de octubre de 2021

Aprende sobre a pirámide alimentaria!

             A PIRÁMIDE ALIMENTARIA

A pirámide alimentaria,  ou tamén chamada pirámide nutricional, é unha referencia gráfica da cantidade dos diferentes grupos de alimentos que debemos consumir diariamente para estar sans. En nutrición, a pirámide alimentaria é unha referencia á proporción que precisa o noso corpo para manter unha dieta sa e equilibrada. Recoméndase a inxestión diaria de 55% de hidratos de carbono, 30% de graxa e 15% de proteínas, vitaminas, minerais e fibras.



As primeiras pirámides alimentarias creáronse a principios dos anos 70, posiblemente a máis coñecida sexa a versión introducida polo Departamento de Agricultura dos Estados Unidos en 1992, (revisada e actualizada en 2005, como "MyPyramid"), mostrou a importancia do exercicio físico, e que, á súa vez, foi substituído posteriormente por MyPlate (MyPlate) en 2011

PIRAMIDE ALIMENTARIA VEGANA

A pirámide dos alimentos veganos está composta por 6 grupos esenciais de alimentos e nutrientes que deben aparecer na nosa dieta diaria para ter unha dieta equilibrada e completa. A base vegana da pirámide forma parte do grupo de alimentos que debemos consumir con máis frecuencia (como cereais, froitas e verduras). En realidade, as cantidades para comer non son tantas, por exemplo, unha simple porción de pan xa equivale a unha porción das 6 recomendadas por día de cereais e hai alimentos que poden pertencer a dous grupos, como verduras e alimentos ricos en calcio. (como o brócoli, a col rizada, as espinacas, ...). A continuación podes ver que alimentos forman parte de cada grupo e cantas racións diarias debemos consumir de cada un deles (algo que varía en función da nosa idade, peso, actividade física, etc.).



lunes, 27 de septiembre de 2021

viernes, 24 de septiembre de 2021

Queres coñecer os riscos dun volcán?

O pasado 19 de Septembro, entrou en erupción o volcán situado na illa da Palma; un volcán que levaba máis de 50 anos inactivo. Un volcán en erupción puede provocar riscos moi graves; neste volcán estanse producindo diferentes tipos: como coladas de lava, que afecta as infrastructuras, hogares e cultivos; cinzas que estas poden causar feridas abertas, lesións nas vías respiratorias e ollos; tamén emite gases atmosfera que xa superaron as 6.000 toneladas de dióxido de azufre. Tamén se poden producir otros tipos de riscos que se explican neste genial.ly.

Unhas das recomendacións que se dan son: para non sufrir ningua lesión se recomenda non achegarse a zona afectada; ante a presencia das cinzas, o plan de emergencias volcánicas de Canarias pide permanecer nos domicilios, excepto en caso de perigo de derrumbe do teito por acumulación da misma; vestir con prendas que cubran a pel e usar mascarillas de po. No caso de poder permanecer na casa débese evitar a ventilación desta e non se pode consumir alimentos ao aire libre. Especialmente estar antento as indicacións das autoridade.

A Terra é dinámica: Erupción na Illa de Palma!

Este pasado domingo 19 de setembro, a illa da Palma sufre unha erupción volcánica tras 50 anos de inactividade, cando entrou en erupción o volcán Teneguía, concretamente o 26 de outubro de 1971. Trátase do volcán de Cumbre Vieja, un volcán de tipo estromboliano que adoita producirse tras unha fractura da codia terrestre, en zonas de subducción. Caracterízase por ter unhas explosións non violentas e unha expulsión de lava discontinua. O magma é de tipo andesítico, cunhas temperaturas baixas o que provoca que as coladas avancen lentamente e se expandan, aumentando a área de destrucción. A desgasificación do magma orixina expulsións de piroclastos e cinzas.

Con esta infografía poderás coñecer os tipos de magma que se expulsan nos distintos tipos de erupcións volcánicas, para entender a evolución das destructivas coladas e as causas que orixinan a nube de humo e cinzas que está a cubrir a metade sur desta illa, e así comprender un pouco mellor a dura situación que se está a vivir na illa da Palma.

martes, 21 de septiembre de 2021

Erupciona o volcán da illa da Palma!

O volcán Cumio Vello da illa da Palma, no arquipélago canario, estivo baixo unha estreita vixilancia durante máis dunha semana de sismos na zona das Manchas con 25.000 pequenos terremotos. Entrou en erupción por primeira vez en 50 anos este domingo 19 de setembro ás 15:12 horas.

Segundo as primeiras informacións, o volcán xurdiu nunha zona de monte non habitada, mais xa a primeira hora deste domingo comezaban as labores de desaloxo dalgúns grupos de persoas.

Lava e fume elévanse pola erupción dun volcán no Parque Nacional Cumio Vello, Illa da Palma, Illas Canarias, o 19 de setembro de 2021. © Borja Suarez / Reuters 

As zonas volcánicas activas, como as Illas Canarias, traen magma dende a profundidade ata a superficie. Baixo o volcán, o magma acumúlase en forma de  reservorios e transpórtase a través de condutos, coma se fosen as arterias do volcán.

O magma "faise paso" rompendo a roca que ten ao redor. Esa fracturación produce ondas que son medidas en superficie mediante sismómetros, e poden sentirse pola poboación como terremotos.

Na Palma, o enxame sísmico a principios da semana pasada proviña de profundidades dun 12 km, reflectindo a acumulación do magma en reservorios na base da cortiza terrestre, ao redor do punto crítico que pode levar a erupción. 

O comezo da erupción xerou o sismo de maior magnitude, cando o dique alimentador completou a súa viaxe rompendo as rocas da superficie, xerando a fisura eruptiva, que ten varios centros de emisión ou bocas eruptivas.

Ademais de fracturar as rocas, o magma vaise acumulando en zonas da cortiza nas que atopa "ocos". Esa acumulación fai que o magma "empuxe" os materiais que aínda ten por encima, o cal se expresa en superficie como un abombamiento ou deformación, que na Palma foi de aproximadamente 10 cm.

O novo volcán xurdido desta erupción podería conter entre 17 e 20 millóns de metros cúbicos de magma, segundo explicou o presidente de Canarias, Anxo Víctor Torres. O Instituto Volcanolóxico de Canarias (INVOLCAN) estima que o volcán emitirá entre 6.000 e 9.000 toneladas diarias de dióxido de xofre (SO₂),

A continuación, tendes un pequeno vídeo que mostra un mapa do impacto da erupción do volcán da illa da Palma:

Fixado un radio de exclusión de 2 km das fisuras para evitar mortes

Ata agora, a última erupción volcánica terrestre no Estado fora a do volcán Teneguía en 1971. Daquela, dúas persoas faleceran por inhalación de gases tóxicos por achegarse demasiado á lava. Nesta ocasión, o Instituto Vulcanolóxico de Canarias fixou unha zona de exclusión de 2 km na contorna dos centros de emisións.

O seu director, Nemesio Pérez, apuntou que a erupción podería durar “varias semanas, ou incluso poucos meses”, polo que as autoridades canarias pediron “máxima precaución”.

Unha boca eruptiva expulsa lava e piroclastos na zona dos Llanos, en El Paso, Illa da Palma.




O perigo das erupcións

Vivimos nun planeta activo que leva en funcionamento 4.500 millóns de anos. O incremento da poboación mundial ha levado á ocupación de zonas xeolóxicamente activas. Todos os procesos xeolóxicos, incluídos os  volcánicos, implican un "risco xeolóxico".

Ante o acontecemento da erupción na Palma, o Gobierno de Canarias activou o Plan de Emerxencia Volcánica de Canarias (PEVOLCA). A situación de alerta establécese de forma cualitativa cun semáforo que cambia de verde a amarelo, a laranxa e a vermello a medida que a probabilidade dunha erupción inminente aumenta.

Nestes momentos, o semáforo está en vermello, o que indica que se debe realizar a evacuación da poboación que poida verse afectada como medida activa de Protección Civil. O desenvolvemento da nova erupción está asociado coa emisión de lavas e  piroclastos de caída, que son fragmentos de magma separados e arrefriados durante a erupción, debido á súa natureza explosiva.

Para coñecer máis acerca dos volcáns e os riscos que ten consultade as entradas posteriores.

Fontes consultadas:

- elDiario

- Nós Diario

- El País

- El Mundo

miércoles, 9 de junio de 2021

O sistema nervioso

    O sistema nervioso, en colaboración co hormonal, é o que permite a relación e a coordinación dos animais. A coordinación nerviosa prodúcese mediante impulsos nerviosos, e a información lévase especificamente a un punto dun órgano concreto.

    O sistema nervioso divídese en dúas partes: o sistema nervioso central e o sistema nervioso periférico. No sistema nervioso central encóntranse os centros nerviosos e ademais posúe unha cuberta ósea; o cráneo e a columna vertebral, e unha cuberta membranosa; as meninxes. O sistema nervioso periférico, en cambio, é os nervios, tanto os da pel e músculos que se encargan da locomoción como os das vísceras.

martes, 8 de junio de 2021