Mostrando entradas con la etiqueta NOTICIAS. Mostrar todas las entradas
Mostrando entradas con la etiqueta NOTICIAS. Mostrar todas las entradas

martes, 21 de septiembre de 2021

Erupciona o volcán da illa da Palma!

O volcán Cumio Vello da illa da Palma, no arquipélago canario, estivo baixo unha estreita vixilancia durante máis dunha semana de sismos na zona das Manchas con 25.000 pequenos terremotos. Entrou en erupción por primeira vez en 50 anos este domingo 19 de setembro ás 15:12 horas.

Segundo as primeiras informacións, o volcán xurdiu nunha zona de monte non habitada, mais xa a primeira hora deste domingo comezaban as labores de desaloxo dalgúns grupos de persoas.

Lava e fume elévanse pola erupción dun volcán no Parque Nacional Cumio Vello, Illa da Palma, Illas Canarias, o 19 de setembro de 2021. © Borja Suarez / Reuters 

As zonas volcánicas activas, como as Illas Canarias, traen magma dende a profundidade ata a superficie. Baixo o volcán, o magma acumúlase en forma de  reservorios e transpórtase a través de condutos, coma se fosen as arterias do volcán.

O magma "faise paso" rompendo a roca que ten ao redor. Esa fracturación produce ondas que son medidas en superficie mediante sismómetros, e poden sentirse pola poboación como terremotos.

Na Palma, o enxame sísmico a principios da semana pasada proviña de profundidades dun 12 km, reflectindo a acumulación do magma en reservorios na base da cortiza terrestre, ao redor do punto crítico que pode levar a erupción. 

O comezo da erupción xerou o sismo de maior magnitude, cando o dique alimentador completou a súa viaxe rompendo as rocas da superficie, xerando a fisura eruptiva, que ten varios centros de emisión ou bocas eruptivas.

Ademais de fracturar as rocas, o magma vaise acumulando en zonas da cortiza nas que atopa "ocos". Esa acumulación fai que o magma "empuxe" os materiais que aínda ten por encima, o cal se expresa en superficie como un abombamiento ou deformación, que na Palma foi de aproximadamente 10 cm.

O novo volcán xurdido desta erupción podería conter entre 17 e 20 millóns de metros cúbicos de magma, segundo explicou o presidente de Canarias, Anxo Víctor Torres. O Instituto Volcanolóxico de Canarias (INVOLCAN) estima que o volcán emitirá entre 6.000 e 9.000 toneladas diarias de dióxido de xofre (SO₂),

A continuación, tendes un pequeno vídeo que mostra un mapa do impacto da erupción do volcán da illa da Palma:

Fixado un radio de exclusión de 2 km das fisuras para evitar mortes

Ata agora, a última erupción volcánica terrestre no Estado fora a do volcán Teneguía en 1971. Daquela, dúas persoas faleceran por inhalación de gases tóxicos por achegarse demasiado á lava. Nesta ocasión, o Instituto Vulcanolóxico de Canarias fixou unha zona de exclusión de 2 km na contorna dos centros de emisións.

O seu director, Nemesio Pérez, apuntou que a erupción podería durar “varias semanas, ou incluso poucos meses”, polo que as autoridades canarias pediron “máxima precaución”.

Unha boca eruptiva expulsa lava e piroclastos na zona dos Llanos, en El Paso, Illa da Palma.




O perigo das erupcións

Vivimos nun planeta activo que leva en funcionamento 4.500 millóns de anos. O incremento da poboación mundial ha levado á ocupación de zonas xeolóxicamente activas. Todos os procesos xeolóxicos, incluídos os  volcánicos, implican un "risco xeolóxico".

Ante o acontecemento da erupción na Palma, o Gobierno de Canarias activou o Plan de Emerxencia Volcánica de Canarias (PEVOLCA). A situación de alerta establécese de forma cualitativa cun semáforo que cambia de verde a amarelo, a laranxa e a vermello a medida que a probabilidade dunha erupción inminente aumenta.

Nestes momentos, o semáforo está en vermello, o que indica que se debe realizar a evacuación da poboación que poida verse afectada como medida activa de Protección Civil. O desenvolvemento da nova erupción está asociado coa emisión de lavas e  piroclastos de caída, que son fragmentos de magma separados e arrefriados durante a erupción, debido á súa natureza explosiva.

Para coñecer máis acerca dos volcáns e os riscos que ten consultade as entradas posteriores.

Fontes consultadas:

- elDiario

- Nós Diario

- El País

- El Mundo

martes, 10 de diciembre de 2019

Aparece escuma tóxica na India

Actualmente na India existe unha situación de alarma pola aparición dunha densa escuma branca na praia Marina Beach, en Chennai. Segundo os expertos do Centro Nacional de Investigación Costeira de Chennai, a causa deste fenómeno serían as choivas torrenciais dos últimos días, que precipitarían residuos sen tratar e fosfatos sobre o mar.

Gran parte da escuma procede de residuos de deterxentes mesturados con outros refugallos. Só un 40% das augas residuais de Chennai e de outras cidades no país se tratan adecuadamente. O resto flúe directamente cara o mar, ocasionando problemas como este.


Ante as imaxes de xente bañándose nas praias, a comunidade médica da India advertiu que esta escuma podía provocar problemas na pel. A pesar das advertencias, as centos de familias que viven amontoadas nas inmediacións desta praia ven a escuma tóxica como unha diversión e permiten aos seus fillos bañarse en Marina Beach, co gran perigo que iso supón.  



Non obstante, a aprición desta escuma non é un caso illado. Fórmase na época dos monzóns, pero este ano é particularmente grande, densa e tamén prexudicial para a saúde. As autoridades do país temen que se produza unha catástrofe similar á de 2017, onde milleiros de animais mariños morreron a causa da contaminación das augas nestas mesmas datas. Ademais, en ambas ocasións os ingresos dos pescadores víronse afectados, xa que os clientes desconfían da contaminación entre o peixe capturado.

Neste vídeo podes facerte unha mellor idea da cantidade de escuma presente nas praias e do perigo que supón para as persoas, en especial para os nenos e nenas: 



Se queres coñecer un pouco máis sobre esta noticia ambiental de actualidade, fai click aquí. 


lunes, 25 de noviembre de 2019

O sarampelo borra a memoria do sistema inmunitario

Durante anos observouse que a vacina do sarampelo non só protexía contra este virus, senón que tamén nos defendía doutras infeccións a longo prazo. Unha das hipóteses é que en concreto o virus do sarampelo produce amnesia inmunitaria.

Cando sufrimos unha infección e o noso sistema inmunitario loita contra ela e finalmente véncea, certos linfocitos mantéñense con vida durante anos coa "memoria" dos antígenos. Deste xeito estamos xa inmunizados a próxima vez que nos enfrontamos a este virus e podemos fabricar anticorpos para combatelo. 


Revista "Quo"

Un equipo de investigadores de Harvard publicou un estudo na revista Science, no que puideron comprobar que o sarampelo borra entre o 11 e o 73% dos anticorpos da persoa infectada. O sarampelo déixanos, literalmente, indefensos.

Esta é a primeira vez que se puido comprobar que a amnesia inmunitaria inducida polo sarampelo é real, o que pon de manifesto o importante que é a vacina contra este virus. Máis aínda, os nenos que fosen infectados co sarampelo poden necesitar repetir todas as vacinas anteriores. 

Segundo datos da OMS, o sarampelo causaba 2,6 millóns de mortes antes do descubrimento da vacina, e practicamente desapareceron despois. Con todo, a actual crise causada polo movemento antivacunas provocou que as mortes aumenten ata as 100.000 vítimas ao ano, triplicándose na primeira metade de 2019. O sarampelo é o causante da metade da mortalidade infantil no mundo. 

A vacina tripla vírica (sarampelo, paperas, rubeola) probou a súa eficacia parar protexer o sistema inmunitario tras anos de investigación.

Para máis información, facede click aquí.

miércoles, 27 de enero de 2016

Un terremoto de magnitude 6,3 sacude Andalucía e Melilla!

Un terremoto de magnitude 6,3 tivo epicentro no Mar de Alborán, frente as costas de Alhucemas. Este terremoto sacudiu na madrugada do domingo ao sur da Península e la cidade autónoma de Melilla.
Que é un terremoto?
Un terremoto é un temblor da terra, un fenómeno de sacudida brusca e pasaxeira da codia terrestre producida por a liberación da enerxía acumulada en forma de ondas sísmicas. Tamén pode ocurrir por outras causas como, por exemplo, fricción no borde de placas tectónicas, procesos volcánicos o incluso pode ser causado polo home o realizar probas de detonacions nucleares subterráneas.
Nos terremotos destínguense:
-Hipocentro: zona interior profunda, donde se produce o terremoto
-Epicentro: área de superficie perpendicular o hipocentro, donde con mais intensidad repercuten as ondas sismicas.
Cales son as causas dun terremoto e donde se localizan?
As causas dun terremoto encontranse na liberación da enerxia da corteza terrestre acumulada pola consecuencia de actividades volcanicas e tectonicas, que se orixinan principalmente nos bordes de placa. Tamen existen outros factores que poden orixinalos:
-Acumulación de sedimentos por desprendementos de rochas das ladeiras das montañas.
-Fundimento de cavernas.
-Modificacións do réxime fluvial.
-Variacións bruscas da presión atmosférica por ciclones.

Se queres saber máis  sobre o terremoto de Andalucia e Melilla escoita este audio feito po Iván, Víctor e Karim!


Karim, Víctor e Iván grabando o audio na aula!

jueves, 26 de marzo de 2015

Nitróxeno en Marte

Fuente:El Mundo
O vehículo da NASA 'Curiosity' que leva explorando Marte dende o ano 2012, detectou a presenza de Nitróxeno fixado en sedimentos a través da perforación de rochas e varios análises. Isto suxire que nalgún momento da historia de Marte houbo un ciclo de nitróxeno.
Trátase da primeira vez que se detecta nitróxeno en Marte pero é importante sinalar que é un nitróxeno marciano, é dicir, nitróxeno nativo. Un dos científicos que participan neste estudo cre que o tempo do 'Curiosity' en Marte prolongarase xa que todavía queda moito por descubrir e o que ata agora, son especulacións, moi pronto deixarán de selo. Xa todos sabemos a importancia que ten o nitróxeno para o desenrolo da vida e estudos coma este axudaránnos a saber se poido existir ou existe vida en Marte. Para obter máis información, déixovos este interesante vídeo, non deixedes de velo!


viernes, 3 de octubre de 2014

Erupción vocánica en Xapón

Neste último mes de setembro producíuse a erupción do volcán xaponés Ontake, que foi a segunda catástrofe volcánica máis grande do país, e cobrouse a vida de máis de 40 persoas, ademáis de numerosos feridos e desaparecidos.

O Monte Ontake onde se atopa o volcán que leva o mesmo nome, está situado na illa de Honshu a uns 100 km da cidade de Nagoya e a uns 200 km de Tokio . Conta cunha altura de 3067 m sendo o segundo máis alto do Xapón, tras o Monte Fuji, que conta cunha altura de 3776 m.

Compre salientar que o pais nipón atópase no coñecido como "Cinturón de Fuego del Pacífico" que se caracteriza pola continua actividade sísmica e volcánica.
Deixo este vídeo curto con imaxes que poden dar unha idea das dimensións da erupción: