As Illas Cíes

O arquipélago das Illas Cíes forma parte do Parque Nacional Marítimo-Terrestre das Illas Atlánticas de Galicia xunto cos arquipélagos de Ons, Sávora, Cortegada e o seu medio marítimo. As Illas Cíes, ademais de Parque Nacional, son tamén parque natural desde 1980, zona de especial protección para as aves  desde 1988, e zona de especial conservación.

 Actualmente as Illas Cíes iniciaron o proceso para a súa candidatura a Patrimonio da Humanidade pola UNESCO. 

 ¿Como se formaron as illas cies ?

 As Illas Cíes forman unha barreira natural da Ría de Vigo contra a forza do océano Atlántico, protexendoa grazas aos seus acantilados escarpados na cara oeste das illas de máis de 150 metros de altura e ás súas 433 hectáreas terrestres. Hai 17.500 anos, na última glaciación, o nivel do mar estaba 125 metros por debaixo do actual e a ría de Vigo era un val fluvial que chegaba ao litoral continuo ata as actuais Illas Cíes. Foi máis tarde, co desxeo, hai uns 6.000 anos, cando a subida do nivel do mar inundou o val fluvial, formando a Ría de Vigo e as Illas Cíes. As praias comezaron a formarse e cando o mar chegou a un nivel similar ao actual, hai uns 700 anos, formouse o actual lago de auga salgada entre as illas norte e centro, a carón da praia de Rodas.

FLORA:

A paisaxe vexetal que se atopa nestas illas é rica e diversa, froito  da confluencia de factores ambientais  e da súa elevada achega de nutrientes debido ao aporte masivo de excrementos de gaivota. Os breixos e matogueiras dominan a cuberta vexetal do arquipélago, estendéndose polos cantís, sistemas dunares e ladeiras das illas, con especies endémicas da rexión galego-portuguesa e especies catalogadas como en perigo crítico de extinción tanto para España como para o mundo. 

FAUNA:

 Nas Illas Cíes as aves atoparon as condicións idóneas para o seu establecemento: cantís onde aniñar, abundancia de recursos mariños, etc. Son as aves que,  constitúen unha das xoias naturais máis importantes e coñecidas do Parque Nacional. Como xa se comentou, a gaivota patiamarela  é a ave máis abundante e máis de 22.000 exemplares reprodutores aniñan nas illas . Outro exemplo destacable é o caso da pardela cenicienta  que colonizou o arquipélago das Cíes en 2007 e que actualmente se atopa nas illas de Monteagudo e San Martiño.

VIAXE DAS ILLAS CIES EN 4 RUTAS